ഓഫറുകള്‍ ലെന്‍സുകള്‍ അഥവാ കിറ്റു ലെന്‍സുകള്‍ വാങ്ങുമ്പോള്‍

           

              രണ്ടു  മാസം മുമ്പ് കണ്ട ഓഫര്‍ ആണിത്.ഒരുമാതിരിപ്പെട്ടവന്റെയൊക്കെ   വണ്ടറടിച്ചു പോകാന്‍ ഇതു ധാരാളം.ഇങ്ങനെയുള്ള ഓഫറുകളൊക്കെ കണ്ടാല്‍ ഫോട്ടോഗ്രഫിക്കു ലവലേശം താത്പര്യമില്ലാത്ത,വെറുതെ ചൊറിയും കുത്തിയിരിക്കുന്നവന്‍  പോലും ഈ കോമ്പോ പായ്ക്ക് വാങ്ങിപ്പോകും.സത്യത്തില്‍ ഇവ വാങ്ങാന്‍ കൊള്ലാവുന്നവയാണോ?നമുക്കൊന്നു പരിശോധിക്കാം.(UAE മാര്‍ക്കറ്റിലെ നിലവാരവും ലഭ്യതയുമാണിവിടെ കണക്കാക്കുന്നത്).ആദ്യമേ ഈ തത്വം മനസ്സിലാക്കുക.ഒരു കമ്പനിയും പുണ്യം കിട്ടാന്‍ വേണ്ടി അവരുടെ ഉല്‍പന്നങ്ങള്‍ വിറ്റഴിക്കുന്നില്ല.വമ്പന്‍ സ്രാവുകളായ നിക്കോണും കാനനും പ്രാരാബ്ധങ്ങള്‍ കാരണം അവരുടെ ഉല്‍പന്നങ്ങള്‍ കിട്ടുന്ന വിലക്ക് മാര്‍ക്കറ്റില്‍ ഇറക്കുകയാണെന്നു വിശ്വസിക്കാനും നമ്മുടെ സാമാന്യബുദ്ധി സമ്മതിക്കുന്നുമില്ല.സ്റ്റോക്ക് തീരും മുമ്പ് വാങ്ങിച്ചു കളയാം എന്നോര്‍ത്തു ഷോപ്പിലേക്ക് ഓടണ്ട.ഈ മാസം നൂറു ദിര്‍ഹം പിന്നെയും കുറഞ്ഞിട്ടുണ്ട്.അടുത്ത മാസം ഇനിയും കുറഞ്ഞാലോ.ചിലര്‍ ഇങ്ങനെ വിചാരിക്കും.ഈ ലെന്‍സൊക്കെ അവര്‍ ഒരു പത്തു വര്ഷം മുമ്പ് ഉണ്ടാക്കി വെച്ചതായിരിക്കും.പുതിയത് ഉണ്ടാക്കിയപ്പോ പഴയത് കുറഞ്ഞ വിലക്ക് വിറ്റഴിക്കുകയായിരിക്കും.(ഞാനും  മുമ്പ് ഇങ്ങനെയായിരുന്നു വിചാരിച്ചിരുന്നത്).
           ഫിക്സഡ് ലെന്‍സുകളായ Point&Shoot cameraയില്‍നിന്നും  Bridge cameraകളില്‍ നിന്നും DSLRകളിലെ ലെന്‍സിനെ വ്യത്യസ്തനാക്കുന്നത്,അവ ഒരു ആജീവനാന്ത സമ്പാദ്യമാണെന്നതാണ്.ക്യാമറാബോഡികള്‍ കാലഘട്ടത്തിനനുസരിച്ചു മാറിമാറി വന്നേക്കാം എന്നാല്‍ ഒരു ദീര്‍ഘകാലയളവിലേക്ക് ലെന്‍സുകള്‍ മാറ്റേണ്ടി വരുന്നില്ല. അതിനാല്‍ അവയുടെ ഗുണമേന്മ ഉറപ്പുവരുത്തുക എന്നത് പരമപ്രധാനം.
          ഓരോന്നായി നോക്കാം.

                                                      Lens resolution

ഉദ്ദേശിക്കുന്നത് ചിത്രത്തിന്‍റെ ഷാര്‍പ്പ്നെസ് തന്നെയാണ്.ടെലി ലെന്‍സുകളില്‍ (ഉദാ;300 mm )ഏറ്റവും കൂടിയ മാഗ്നിഫക്ഷനില്‍ (ഫോക്കല്‍ ലെങ്ങ്തില്‍) എടുക്കുന്ന ചിത്രങ്ങള്‍ ദയനീയമാം നിലവാരം കുറഞ്ഞു പോകുന്നു.

                                              Chromatic aberration

പ്രകാശം കൂടുതല്‍ പ്രതിഫലിപ്പിക്കുന്ന,ആകാശം പശ്ചാത്തലമായി വരുന്ന ചിത്രങ്ങളില്‍ ഒബ്ജെക്റ്റില്‍ ഇരു വശത്തുമായി നീലയും ചുവപ്പുമായ ഡിസ്ട്രാക്ഷന്‍ കളറുകള്‍ വരുന്നു.(എടുത്ത ചിത്രം കമ്പ്യൂട്ടില്‍ Zoom ചെയ്‌തു നോക്കിയാല്‍  കാണാന്‍ കഴിയും ).

                                               Lens distortion

 

                                                                                                                എടുത്ത ചിത്രത്തിന്‍റെ വശങ്ങളില്‍ ഒരു വളവു പോലെ കാണുന്നു.അതു പുറത്തെക്കാവാം,അകത്തെക്കാവാം.എന്നാല്‍ മധ്യഭാഗം നേര്‍ രേഖയിലായിരിക്കും,ചില കേസുകളില്‍ നടുഭാഗവും വളഞ്ഞതു പോലെ കാണാം.

                                                           Lens flare

Good flare

Bad flare 

ഫോട്ടോഗ്രാഫിയില്‍ പ്രധാനപ്രകാശ സ്രോതസ്സുകള്‍(സ്ട്രീറ്റ് ലൈറ്റ്.സൂര്യന്‍) കടന്നു വരുമ്പോള്‍  കുമിളകള്‍ പോലെ കാണിക്കുന്ന  ഒരു രേഖ.Bad flare ചിത്രം ഉദാഹരണത്തിനു കാണിച്ചെന്നേയുള്ളൂ.ഇതു മോശം ചിത്രമൊന്നുമല്ല. Creative photographyക്കു ഇവ ഉപകാരപ്പെട്ടേക്കാം

                                                         Lens vignetting

ചിത്രത്തിന്‍റെ വശങ്ങളില്‍ കറുപ്പ് നിറം പോലെയും പ്രകാശം കുറച്ചു പതിക്കുന്ന സ്ഥലങ്ങളില്‍ കൂടുതല്‍ ഇരുണ്ടതായും കാണപ്പെടുന്നു.

                                                                   Bokeh

Good bokeh 

Good bokeh 

Bad bokeh 

Bad bokeh

Aperture കൂട്ടി എടുക്കുന്ന ചിത്രങ്ങളിലും രാത്രിയില്‍ പ്രകാശത്തിനെ ഔട്ട്‌ ഓഫ് ആക്കി എടുക്കുമ്പോഴും കാണുന്ന വൃത്തം.ഷഡ്ഭുജാകൃതിയിലുള്ള വൃത്തം Bad bokeh ആയും പൂര്‍ണ്ണമായും വൃത്താകൃതിയിലുള്ളത് Good bokeh ആയും  കണക്കാക്കപ്പെടുന്നു.എന്നാല്‍ ഇതു പൂര്‍ണ്ണമായും ശരിയാകണമെന്നില്ല.2014ല്‍  ഇറങ്ങിയ Need For Speed എന്ന സിനിമയില്‍ ഈ  ഷഡ്ഭുജബൊക്കെ മനോഹരമായി ചിത്രീകരണത്തില്‍ ഉള്‍പ്പെടുത്തിയിരിക്കുന്നു.

                                                       Construction

 

ഗുണമേന്മ കുറഞ്ഞ  കോട്ടിംഗും പ്ലാസ്റ്റിക് നിര്‍മ്മിത ലെന്‍സ്‌ മൌണ്ടും.ലെന്‍സ്‌  മൌണ്ട് സ്റ്റീലിനാല്‍  തിര്‍മ്മിതമായവ കൂടുതല്‍ ഈടു നില്‍ക്കും.ഫോക്കസ് റിംഗ് നേരിയതും പ്ലാസ്റ്റിക്കിനാല്‍ നിര്‍മ്മിതമായതായിരിക്കും.വീതിയുള്ളതും റബ്ബറിനാല്‍ നിര്‍മിച്ചതുമായ  ഫോക്കസ് റിംഗ് മാനുവല്‍ ഫോക്കസിംഗ് എളുപ്പമാക്കും.ചില ലെന്‍സുകളില്‍ DOF സ്കെയിലും രേഖപ്പെടുത്തിരിക്കുന്നതു കാരണം Derth of field നിര്‍ണ്ണയവും എളുപ്പമാക്കും.

                                                 Aperture(Lens speed)

50 mm ലെന്‍സുകള്‍ f/1.8ല്‍ നിന്നും വൈഡ് ലെന്‍സുകള്‍ f/2.8ല്‍ നിന്നും ടെലി ലെന്‍സുകള്‍  f/4ല്‍ നിന്നുമായിരിക്കും  പലപ്പോഴും മാക്സിമം  അപ്പെര്‍ച്ചര്‍ തുടങ്ങുക. അപ്പെര്‍ച്ചര്‍ കൂടുന്നതിനനുസരിച്ച് കുറഞ്ഞ ലൈറ്റിംഗിലെ ഷൂട്ടിങ്ങും ബാക്ക് ഗ്രൌണ്ട്  കൂടുതല്‍ ബ്ലര്‍ ആയ ചിത്രങ്ങളും ലഭിക്കും.Lens flareയും Bokehയും അപ്പെര്‍ച്ചറുമായി ബന്ധപ്പെട്ടു കിടക്കുന്നു.

                                                   Image Stabilization 

 

 കാനോന്‍  Image stabilization എന്നും നിക്കോണ്‍ Vibration reduction എന്നും വിളിക്കുന്ന ഈ സാങ്കേതികവിദ്യ ടെലി ലെന്‍സ്‌ വച്ചു ഷൂട്ട്‌ ചെയ്യുമ്പോള്‍ ക്യാമറ ഷേക്ക്‌ ആയാലും ഇമേജ് ബ്ലര്‍ ആയി നാശമാകാതിരിക്കാന്‍ ഒരു പരിധി വരെ സഹായിക്കുന്നു.അതില്‍ത്തന്നെ ഒന്നും രണ്ടും മൂന്നുമായി ഗ്രേഡുകളുണ്ട്.കൈയ്യില്‍ വച്ചു ഷൂട്ടു ചെയ്യുമ്പോള്‍ ഗ്രേഡ് ഒന്നും സബ്ലെക്റ്റ് ഇളകിക്കൊണ്ടിരിക്കുകയാണെങ്കില്‍ രണ്ടും സബ്ജെക്റ്റും ക്യാമറയും ഇളകിക്കൊണ്ടിരിക്കുകയാണെങ്കില്‍ (ഉദാ-വാഹനത്തില്‍ വച്ചും ട്രെയിനില്‍ വച്ചും ഷൂട്ട്‌ ചെയ്യുമ്പോള്‍ ) മൂന്നും ഉപയോഗിക്കുന്നു.ഒഫര്‍ ലെന്‍സില്‍ ഈ ഗ്രേഡുകള്‍ പ്രതീക്ഷിക്കേണ്ടതില്ല. 

                                                           Lenses

20 മുതല്‍ 200ഓളം വരുന്ന പല ലെന്‍സസ് (ലെന്‍സസ് എന്നതു ഏകവചനമാണ്)  എലമെന്റുകള്‍ ഗ്രൂപ്പുകളാക്കി നിര്‍മിക്കുന്നതാണ് ഒരു ലെന്‍സ്‌. ഗുണമേന്മ കുറഞ്ഞ ലെന്‍സസുകള്‍  കാലാവസ്ഥാമാറ്റത്തിനനുസരിച്ചു ഈര്‍പ്പം,അതിശൈത്യം എന്നിവ കാരണം ഫംഗസ് ബാധക്കിടയാക്കുന്നു.
       ഇത്ര വായിച്ചിട്ടും ഓഫര്‍ ലെന്‍സുകള്‍ വാങ്ങാമോ എന്ന ചോദ്യത്തിനുത്തരം കിട്ടിയില്ല അല്ലേ.സീരിയസ് വര്‍ക്കുകള്‍ ചെയ്യാനാഗ്രഹിക്കുന്നയാളാണു നിങ്ങളെങ്കില്‍ ഈ പറഞ്ഞതെല്ലാം പരിശോധിച്ചു മാത്രം വാങ്ങുക. ഫോട്ടോഗ്രാഫി എല്ലാകാലത്തും ഒരു ലെന്‍സു കൊണ്ടു മാത്രം ചെയ്യാനുള്ളതല്ല.50mm ലെന്‍സ്‌ കൊണ്ട് ഷൂട്ട്‌ ചെയ്യേണ്ടത് അതുകൊണ്ടുതന്നെ ചെയ്യണം.ലെന്‍സിന്റെ അഭാവം കാരണം പല ഷോട്ടുകളും മിസ്സാവുമ്പോള്‍ നിങ്ങളൊരു സ്വപ്നജീവിയായി മാറും.
        രണ്ടു വര്ഷം മുമ്പ് എന്‍റെ സുഹൃത്ത് കിറ്റ് ലെന്‍സ്‌, ഇതു പോലെ ഓഫറില്‍ വാങ്ങിയിരുന്നു.സത്യം പറയാമല്ലോ.നല്ല പെര്‍ഫോമന്‍സ്. ഞാനൊരു ഫോട്ടോഗ്രഫെര്‍ അല്ലേ  അല്ല.ഒരു ഹോബിയസ്റ്റ് മാത്രം.എടുത്ത ചിത്രങ്ങള്‍ സ്വയം നോക്കി ആസ്വദിക്കുക. ഇന്റര്‍നെറ്റില്‍ ഷെയര്‍ ചെയ്യുക.അത്രേയുള്ളൂ.അതാണു നിങ്ങളും ആഗ്രഹിക്കുന്നതെങ്കില്‍ മടിക്കണ്ട,കണ്ണും പൂട്ടി കിറ്റുലെന്‍സുകള്‍ വാങ്ങാം.