മഴയോഗ്രഫി Rain Photography

             

 ആകാശം കറുത്തിരുളാന്‍ തുടങ്ങി.അതാ വാഹനങ്ങള്‍ക്കു വേഗത കൂടുന്നു.ചില ബൈക്കുകാര്‍ ഒരു കൈ തലയെ മറച്ചാണ് വണ്ടിയോടിക്കുന്നത്.വഴിയാത്രക്കാര്‍ക്കും  വീടായണയാനുള്ള ധൃതിയില്‍ നടത്തത്തിനു  വേഗം കൂടുന്നു.ചെറുതുള്ളികളായി ഭൂമിയെ ചുംബിക്കുന്ന മഴത്തുള്ളികള്‍ പതിയെ പതിയെ  വിശ്വരൂപം കാണിച്ചു.ആര്‍ത്തലച്ചു പെയ്യുന്ന മഴയെ ഇങ്ങനെ പേടിക്കേണ്ടതുണ്ടോ?ചാറ്റല്‍മഴ,പെരുമഴ,പേമാരി തുടങ്ങി എന്തു പേരിട്ടു വിളിച്ചാലും മഴ എനിക്കു ആനന്ദദായകമാണ്.നാട്ടില്‍ നിന്നും വരുന്ന ഫോണില്‍ക്കൂടി പോലും മഴയുടെ നിശ്വാസം കേള്‍ക്കാം.മഴയെ   വെറും കൊണ്ടാസ്വദിക്കാന്‍ മാത്രമുള്ളതല്ല.പിന്നെ?.... ലതെന്നെ...ഫോട്ടംപിടുത്തം.
               എന്നാല്‍ മഴയത്തുള്ള ഫോട്ടോഗ്രഫി അങ്ങേയറ്റം ദുഷ്കരവും ഒരു തരത്തില്‍ വേണ്ടാതീനവുമാണ്.ആദ്യകാരണം ക്യാമറ നനയുമെന്നതു തന്നെ.ഇനി പ്ലാസ്റ്റിക്കു കൊണ്ടോ മറ്റോ മൂടിയാല്‍ തന്നെ ഈര്‍പ്പം കാരണം ലെന്‍സിനുള്ളില്‍ അനുബാധക്കു കാരണമാകുമെന്ന കാര്യത്തില്‍ ഒരു ഗ്യാരണ്ടിയുമില്ല.പിന്നെ ഫോക്കസിംഗ്. SLRല്‍ അത്ര കുഴപ്പമില്ല.P&Sല്‍ ആണെങ്കില്‍ Infinityയില്‍ ഫോക്കസ് സെറ്റു ചെയ്തു തകര്‍ക്കാം.എക്സ്പോഷറും ബുദ്ധിമുട്ടുതന്നെ.ഷട്ടര്‍ സ്പീഡ് വളരെ താഴുന്നതിനാല്‍ രണ്ടു മൂന്നു സ്റെപ്പ് ISO കൂട്ടേണ്ടി വരുന്നു.തന്മൂലം ചിത്രത്തില്‍ വരുന്ന നോയിസ് മഴത്തുള്ളികളെ മറയ്ക്കാനും ഇടയാക്കുന്നു.വണ്ടിക്കുള്ളില്‍ വെച്ചു മഴയുടെ ചിത്രമെടുക്കാനാണ് പലരും താത്പര്യപ്പെടാറ്.പക്ഷെ ഗ്ലാസില്‍ വീഴുന്ന മഴത്തുള്ളികള്‍ മുമ്പിലെ വിസിബിലിറ്റിയെ മറക്കുന്നു.
     ഏതായാലും മഴയത്ത് ഞാനെടുത്ത ചില ചിത്രങ്ങള്‍ നിങ്ങള്‍ക്കു ഇവിടെ   കാണാം.